Tuesday, 21, September, 2021 10:19 hs. Español | Guarani

Ñe’ëjovái

Posteado por Ramón Fariña
Categoría: Lengua
Fecha del Post: October 22, 2012

(Paraguaya-Argentino)
Pya: - Néi…. Che karai oĝuahêma ára reho jevy haĝua ne retäme.
Arg: -He’ë… Upéichaite che reindy. Ha upévare avy’a ko pyhareve oĝuahêvo.

Pya: - Nde mante revy’a. Ore katu nahániri. Orerasëta katuete. Ore py’asäite guive rombyasy rehotahaguére.
Arg: -Aháta niko añete, ha upévare chembopy’a rory ambyasýramo jepe ahejataha ko ne retä poräite. Heta mba’e aikuaa ko’ápe ha iporävéva umíva apytépe, chembo’e avei hikuái añe’ë haĝua ko ñe’ë he’ëtévape. Upéicha rupi ñañemongeta ko’aĝa avañe’ëtéme.

Pya: -He’ë… ha upéa iporäve haĝua nde reikoveva’erä ore apytépe. Ha upéicha rupi avei jajohayhukuaave.
Arg: -Che aháta ko’áĝa, ha upéi ajujevývo aguerúta peëme mba’e porä jopóiramo.

Pya: - Iporäite piko pe eréva, he’ë asy ahendúvo.
Arg: -He’ë… Noñembojojáinte ne ñé’ë guaraníre eiretéicha he’ëasýva.

Pya: -Avy’aite ahendúrö umi eréva ore ñe’ë guarani rehe, ha avei rombo’ehaguére ko ore ñe’ë.
Arg: -Che avei, upéicha rupi ikatu ko’áĝa aheja peëme mba’e iporäva: che aguyje ha mborayhu añete peteï yvotýicha.

Pya: -Ha yvoty añete pe ereitáva chéve. Upévare aipota regueraha pe ne retämeve, umi ndeichaguápe, ore maitei oikuaa haĝua mba’éichaite peve ojehayhu ko’ápe argentino-kuérape.
Arg: -Ha’éta ichupekuéra che reindy, ha ovy’ajoáne pe ñé’ërory reheve. Araháta ichupekuéra oñongatu haĝua hi’ánga pýpe.

Pya: -Iporäite ne ñe’ë che karai. Ore roho avei nendive yvytúndie. Orejuhúne ne retäme reĝuahêvo.
Arg: -Che avei, che reindy apytáma ko’ápe ha opa ára jajojuhúne ahejágui che körasö pende apytépe.

 
 

contacto@guaranitavarandu.com.ar

0376-15-4709702

0376-4590292