Tuesday, 21, September, 2021 12:37 hs. Español | Guarani

Py’amongetarâ tupâ ra’y reñói ára rehegua

Posteado por Ramón Fariña
Categoría: Actividades
Fecha del Post: December 27, 2012

Ohai Guaraníme: David Galeano Olivera
Peteî kuimba’e omano ha oñandu Ñande Ru ouha ipiári peteî mba’eryru ipópe
Ñande Ru he’i chupe: "Néi che ra’y jahamava’erâ”
Kuimba’emi oporandu py’atytýipe: "Áĝamapiko. Pya’etépa. Hetaite mba’e niko ajaposevékuri…”
-"Che avéniko ambyasy jepémo upéicha rehómava’erâ”
-"Mba’éiko regueru pe mba’eryrúpe”, oporandu kuimba’e
Ha Ñande Ru ombohovái: "Ne rembipurukuéra…”
-"Che rembipurukuéra piko. Reguerúpiko che mba’éva guive, che ao, che viru”
Ñande Ru ombohovái: "Umíva niko nanemba’éi, yvy mba’e niko umíva”
-"Reguerúpa che remimandu’akuéra”
-"Umíva niko nanemba’éi, umíva niko ára mba’e”
-"Reguerúpa che rekomba’erepy”
-"Umíva niko nanemba’éi, umíva niko tembiasa mba’e”
-"Reguerúpa che angirû ha che pehênguekuérape”
-"Mba’erâpa rombotavýta, ha’ekuéra niko nanemba’éi, ha’ekuéra niko tape mba’e”
-"Reguerúpa che rembireko ha che ñemoñarekuérape”
-"Ha’ekuéra niko nanemba’éi, ha’ekuéra niko ne korasô mba’e”
-"Reguerúpa che rete”
-"Araka’eve niko nanemba’éi, upéva niko yvytimbo rehegua”
-"Upéicharôpiko regueru che â”
-"Nahániri, upéva chemba’e”
Upémarô kuimba’emi henyhêva kyhyjégui, ohekýi Ñande Rúgui pe mba’eryru ha omañávo hyepýpe ojuhu nandiha… Tesay kukúipe kuimba’e osê he’i:

-"Araka’evepiko ndarekoivoíkuri mba’eve”
-"Upeichaite, peteîteî ha opaite mba’e rehasava’ekue nde rekovépe, nemba’ékuri. Tekove niko peteî tesapirînte… Upévare, ikatu aja, eñeha’âva’erâ nde rekokatu ikatuha peve. Ani mba’eve -nde eréva nemba’eha- ndejoko. Ko’aĝa reikova’erâ. Eikóke ha emoingovéke nde rekove. Ha ani nderesarái nevy’apavêva’erâha, upéva añoite pe añeteguáva. Umi ne rembipuru ha opaite ambue mba’e reñeha’âva’ekuére opytáta ko’ápe. Mba’evete ndereguerahamo’âi ko’águi. Emomba’eguasu umi nemomba’eguasúvape ha ani rejesareko umi nanderechakuaáivape
Guaranikuéra niko he’íva ñande ndaha’éi ápe ĝuarâ, upévare yvy ndaijárai, mymba ndaijárai, ka’avo ndaijárai. Ñande jahasánte ko’a rupi. Nañambyatýiva’erâ mba’eve, ndajaguerahamo’âigui mba’eve ko’águi. Jaju ñanderekokatu haĝua. Jajuhaguéicha jahajeýta. Opytáta ñande rete ha ojehe’ajeýta yvýra ha ñane â ojehekýita oho haĝua Yvy Mara’ŷme
Eipurukuaáke opaite aravo’ive nde rekopegua, upevamínte ha’éva upe reguerahátava rohokuévo ko yvy ape árigui
Vy’apavê Arareñóire ha Po’aita ko ary pyahúpe…!

 
 

contacto@guaranitavarandu.com.ar

0376-15-4709702

0376-4590292