Tuesday, 21, September, 2021 11:56 hs. Español | Guarani

24 jasykôi kuña paraguái ára

Posteado por Ramón Fariña
Categoría: Cultura
Fecha del Post: February 24, 2013

Ko 24 Jasykôi jave oñemomba’e guasu Kuña Paraguái Ára, oñembo mandu’ávo upe Kuña Atyguasu Amérikaygua, oikóvaekue "Plaza de Mayo”pe Paraguaýpe amô ary 1867pe.
Kóva ko atýpe oî kuri Kuñanguéra Paraguaýgua ha okáraygua ha oĝuahê hikuái peteî ñe’ême ha ohekýi hikuái ijehegui imba’e vera, itaju ha opáichagua mba’e tee opytyvô haguâ upe "ÑORAIRÔ GUASU” (Triple Alianza).
Oñemomba’e guasu haguâiche umi kuñanguérape, ojeheróva "LAS RESIDENTAS” marandague mombe'uha Idalia Flores de Zarza ojerure peteì aty ñemongeta guasu hape "ACADEMIA PARAGUAYE DE HISTORIA” 1974pe oñe moî haguâ 24 Jasypo ojehechaykuaa haguâ Kuña Paraguái Áraramo. Péicha oñepyrû ko ñemomadu’a.
Kuña Paraguái niko ojepytasórupi tuichaiterei oipyytvô Paraguái opu’âhaguâ. Ko’áĝarupi jahecha kuña ikane’o’ÿva oñeha’âva ha omba’apóva oipytyvô haguâ hogayguápe ha hetâme avei. Ombojakuévo iñemiandu, imba’ekuaa ha ikatupyrykue, tetia’e ha mborayhu apytépe. Upéicha jahecha kuña ikatupyyrpajepéva hembiapóva "POLÍTIKA, POHANOHÁRA, MBO’AHÁRA” ha ambue tendápe.
Hógape, ha’e ohekombo’e imembykuérape ha sapy’ánte ha’eñoite ojehechakuaávaerâ omongaru haguâ hogayguápe. Ha’e oñangareko ha ome’ê py’agasu mborayhu apytépe umi imembykuérape ikatu haguâicha oiko chuguikuéra tapicha arandu, marangatu ha tapicha teko porâ.

Vy’apavêita mayma KUÑA PARAGUAIGUÁPE ha katu tuichave toĝuahê umi IJAGUARÁVA PARAGUAIGUA HAGUÉRE…!
Juan Ramón Fariña

 
 

contacto@guaranitavarandu.com.ar

0376-15-4709702

0376-4590292