Tuesday, 21, September, 2021 11:53 hs. Español | Guarani

Ñe’ê mbohasahára parlasur-pe guarâ jeporavo

Posteado por Ramón Fariña
Categoría: Actividades
Fecha del Post: May 02, 2014

Romysâi ko’ape Paraguay Ñe’ênguéra Sâmbyhyha omomaranduháichaite mba’éichapa oiko kuri upe mokôi ñe’ê mbohasaha Parlasur-pe guarâ
Romoĝuahê umi ore angirûme opáichaygua mba’e iporâvéva ha tove tombo jegua ha to hupi hikuái ko ñe’ê ñane mba’eteéva
Paraguái ñe’ẽnguéra sãmbyhyha oikuaauka mokõi tapicha ojeporavo va’ekue ñe’ẽ ñembohasarã guaraníme Parlasur-pe guãrã
Comisión oiporavóva ñe’ẽ mbohasaha, omoakã Paraguái Ñe’ẽnguéra Sãmbyhyha ha Guarani Ñe’ẽ Rerekuapavẽ, oikuaauka ojeporavomaha mokõi tapicha ikatupyryvéva umi 29 apytégui ñe’ẽ ñembohasápe. Umi mokõi tapicha hína:
Ombohasátava guaranígui castellano-pe ha castellano-gui guaraníme, Mario Raúl Bogado Velázquez, C.I. 676.602; ha ombohasátava portugués-gui guaraníme ha guaranígui portugués-pe, Derlis Sandoval Troche, C.I. 4.406.104.
Aranduchauka ñe’ẽ ñembojererã ojegueroguata kuri upe 28 jasyrundy ramo, Centro Cultural de la República "El Cabildo” kotýpe. Umi 28 oike va’ekue jeporavorãme apytégui, 20 oñemboja upe árape ohechauka ikatupyrykue ñe’ẽ ñembohasápe ha ãva apytégui osẽ tenonderãite mokõi tapicha ohechaukáre ikatupyryveha.
Oñeñemomarandusevérõ ko jeporavo guasu ogueroguata va’ekue Paraguái Ñe’ẽnguéra Sãmbyhyha, ikatu ojeju PÑS rógape voi, opytáva España 114 haimete Tacuary, táva Paraguaýpe; térã toñehenói 0972-951917, ha toñeñe’ẽ Karai Asesor Jurídico PÑS pegua, Cristian Godoy ndive.



 
 

contacto@guaranitavarandu.com.ar

0376-15-4709702

0376-4590292