Tuesday, 21, September, 2021 12:33 hs. Español | Guarani

Py’amongrtarâ: Mua ha Mbói

Posteado por Ramón Fariña
Categoría: Actividades
Fecha del Post: January 29, 2013

Peteî jevýjeko, MBÓI oikómi omuña MUA-me oparupiete; kyhyjégui jeko oiko oñani ndoipotáigui ohupity chupe, ohechápype MBÓI ndoguevíriha araka’eve. Oñani peteî ára pukukue ha ndoguevíri, moköi ára ha ndopytái.
Mbohapy árape, ipy’aropútama hágui MUA opyta ha oporandu MBÓI-pe: Ikatúnepa amba’eporandumi ndéve mbohapy nba’érehe?
Upémarô MBÓI ombohovái: Ndajapóiva âmba’e avavépe, hakatu opáichante niko rohupitýma ha ro’útante voi hina, eporandu katu.

1- Chépiko MBÓI rembi’úva voínte? - Nahánirî, ombohovái MBÓI

2- Chépiko cherembiapo vai mba’e nendive? – Nahánirî, he’I jevy chupe

3- Upéicharô, Mba’ére chejukase? – ¡Ndaikatúigui ahecha remimbíramo…….!

Upeichaite avei heta ñaime tapichakuéra sapy’ánte ñaiméva péicha ha ñañepy’aporandu: Mba’érepa péicha oiko cherehe, chéniko nacheñañái avavéndi? Ha katu: Ndaikatúigui nderechá remimbírô hikuái…! Upe Potangai niko ivaivéva ñemiandu ikatúva jareko.
Toipotaseveseve hikuái ndejehupity, nde mba’e porânguéra, toipotaseveseve nerembijajái.
Ko’âva oikórôke ani ogue nde resapepy, nde ndeha’evete, eme’éntekena ndemba’eporâ, taiporâkena nerembiapo, aníke reheja ombai ndehegui nderekove, emimbíkena akôinte ha mavave ndaipu’akaichéne nderehe, upe tesape oî ne ñe’âme, toiko oikóva…!


 
 

contacto@guaranitavarandu.com.ar

0376-15-4709702

0376-4590292